لِگصَيّرْ لَوّلْ هَلْ تَلْ ***** اعلِيّ مانِ عندْ بَلْ
أهلي واعْلِيّ زاد هَلْ ***** لگصَيّرْ - تَل - التالِ
والحگنِي ذاك ابلا اجْمَلْ***** بِي عگّبْت اجْمَالِ
وابگَيْتْ انعَدّلْ فَمْ هَمْ ***** اعْلِيه انوَصِّي حَدْ فَمْ
واگْبَظْ لي ذاكْ الحَدْ يَمْ ****** اشطَنّي بيهْ الْيَالِي
وامشَيْتْ وذاك اليَمْ تَمْ ****** بَعْدْ ألَّ شَاطنْ بَالِي
واهْلالْ أرَمَضَان زادْ ***** اگبَظْنِي بِيّ فاتْ عادْ
السّيْرْ امْعَاذَ گاعْ جَادْ ****** وامّاسي عَن تِجَالِي
حَدُّو لَفْطارْ إلَى ابْعَادْ **** هُومَ لَگْصِي مِن حَالِي
ولَفْطَارْ اعْلِيّ جَاوْ دُونْ ** أهْلِي هومَ والعِيدْ هَوْنْ
وانَ مَا عَزْمِ كِنْتْ كُونْ ******* تَلْ انْعَيَّدْ لُولاَلِي
ذَا العام اللي ما فيهْ هُونْ ** خَصّرْ عَزْمِي مِن تَالي
أمَّ آنَ عَزْمي كِنتْ بَعْدْ **** عَنّي في الفَطْرْ التّالِي
مَا يِسْبِگنِ لِلنّاسْ حَدْ ******* يَغَيْرْ العَامْ امْحَالِي
لَبْيَظْ في الغَيْبَ فاتْ مَاتْ **** لَوّلْ والثانِي مَاتْ گاتّ
لَوّلْ والثالِثْ ما اتْلاتْ ********* مِنّو ماهِ عَشْرَايَ
والعشرايَ راهي امْشَاتْ ****** فَأمَحْصُولِي للغَايَ
واجْبَرْتْ الغايَ غَيرْ رَيْتْ ***** مِن بطْوِي عنْ مُنَايَ
گدْ الوَسَانِي مَا اتْلَيْتْ ******** في الغايَ مُولَ غايَ
أل واســــان مــــانكـــــول **** لغــــــن مابي شين كــول
لغن مافي كـــــاع مــــول ****** أني يشيـــان أغنــــــاي
كمت أعل سغر مول كـول **** ومـــع مـــــــــد لهــــــاي
ولا كط أخطاي هـــول زين ****** نسمع ردات كامليــــن
مكيول إيعود أعــــــل آردين ***** ومنحيــــت نحــــــــــاي
ونكــــــــد أنورد مــــــوردات **** لغــــن ويج مستـوردات
أحمــــاي ماهم بــــــاردات ****** أنحـــــــاي لنحــــــــــاي
ونكد أنـــــــــواس ذاك هـاك **** راص أرواي فغنــــــــــاي
غير أل خفــت إيعــــــود ذاك **** فغنـــــــــاي راص أرواي
.
يسمح لكم بنقل الموضوع بشرط ذكر المصدر : لسان الحال المغتربين | وكالة أنباء لمسيلة
أضف تعليقك عن طريق الفيسبوك :